મારા વિષે (About)

હું  વરિષ્ઠ નાગરિક ( Sr. Citizan ) છું અને 71 ઉંમર છે.બી.એ.,એલ એલ બી. સુધીનો અભ્યાસ કર્યો છે  વિધુર છું મારા પત્ની 10 વર્ષ પહેલાં કેંસરની બીમારીથી મૃત્યુ પામ્યા છે અને લગભગ તે જ સમયથી એકલા રહેવાની આદત કેળવી છે.

બે પૂત્રીઓ અને એક પુત્ર પણ છે બધા તેમના સંસારમાં સેટ થઈ ગયા છે અને સુખી છે

હું પણ નિવૃત બેંક મનેજર છું  મારી પત્નીના મૃત્યુ બાદ રાંધતા પણ શીખ્યો અને મારા માટે જમવાનું પણ હું જ બનાવું છું અને મારા સંતાનો અને મિત્રોને અવાર-નવાર જમવા પણ નોતરું છું મારી એક દીકરી અને જમાઈ કોમ્પ્યુટર એંજીનીયર છે અને હાલમાં યુએસએ છે.હું પણ ત્યાં જઈ આવ્યો છું અને ત્યારે જ મારી દીકરીએ મને કાન પક્ડી કોમ્પ્યુટર વાપરતા ધરાર શિખ્વ્યુ અને પરિણામે આજે મારો ઘણો સમય તેના થકી પસાર કરી રહ્યો છું આજે આ બ્લોગ પણ તેનું જ પરિણામ છે.

હું ક્યારેય કોઈ પણ પ્રકારનું ટાઈપીંગ શિખ્યો નહિ હતો પણ ગુજરાતીમાં  બ્લોગ શરુ થતા હું ગુજરાતી ટાઈપ પણ શીખી ગયો અને  વિવિધ વિષય ઉપરના મારાં વિચારો મૂકવા લાગ્યો છું. હું જામનગર ગુજરાતમાં જન્મયો અને મોટો થયો ભણ્યો પણ બેંકની નોકરીને કારણે અન્ય સ્થળે પણ બદ્લીઓને કારણે જવાનું થતા ખૂબ જ ફર્યો પણ છું અને હાલમાં જામનગરમાં જ મારું નિવૃત જીવન વીતાવી રહ્યો છું.

આમ તો મારાં સ્કૂલના દિવસોથી જ વાંચવાનો શોખ ધરાવું છું તમામ વિષયો વિષે વાંચવાનું પસંદ છે.અને જે વાંચ્યુ હોઈ તેના ઉપર વિચારવાનું-અર્થાત્ ઢંવ્ધ કરી નવું વિચારવાનું ગમે છે.ચીલા-ચાલુ અર્થ સ્વીકારવાનુ ઘણીવાર મન થતું નથી.અને તેથી મારી રીતે વિચારી તર્ક્-બધ નવી રીતે વિચારવાનું બનતું હોઈ મારાં મત સાથે કે મેં તારવેલા અર્થ સાથે કોણ સહમત થાય છે તે જાણવાની ઈચ્છા થાય તે સ્વાભાવિક છે.

WORDPRESSસે ગુજ્રરાતી બ્લોગ બનાવી વિચારોના આદાન-પ્રદાન માટે  આ સુંદર વ્યવસ્થા ઉભી કરી છે તેનો લાભ લઈ મેં પણ મારો  બ્લોગ બનાવી અન્યોના  વિચારો જાણવા જુદા જુદા વિષયો ઉપર મારાં વિચારો પ્રસિધ્ધ કર્યા છે. મેં  બ્લોગ ઉપર   મારાં વિચારો આપ સૌના મત/ અભિપ્રાય /પ્રતિભાવ માટે પ્રસિધ્ધ કર્યા છે.

હું વાંચવાનો શોખ ધરાવું છું પરંતુ હું ,મેં કોઈ વેદ-ઊપનિષદ કે પુરાણો વાંચ્યા હોવાનો દાવો કરતો નથી. માત્ર મેં જે કોઈ પુસ્તકો વાંચ્યા છે અને મારાં ચિત્તમાં જે પ્રશ્નો ઉપસ્થિત થયા તેના ઉપર વિચાર કરતા મને જે જવાબો મળ્યા તે જણાવ્યા છે એટ્લે મારાં વિચારો સાથે ઘણા સહમત ના પણ થઈ શકે તેમ બનવાની શક્યતાઓ રહેલી છે.

ઉપરાંત હું કોઈ સાહિત્યકાર કે લેખક પણ નથી અને એટ્લે શક્ય છે કે મારો બ્લોગ વાચનારને કદાચ મારી ભાષા  અને શૈલી  તેમના જેવી -સાહિત્યકાર કે લેખક જેવી-સમૃધ્ધ ના પણ લાગે. આ તો એક સામાન્ય વાચકનો બલોગ છે અને તેના વિચારો પોતાની સરળ અને સાદી ભાષામાં રજૂ કરવાનો  પ્રયાસ માત્ર છે તે સતત યાદ રાખવા વિનંતિ છે. મારા બ્લોગની મુલાકાત બાદ  શક્ય છે આપના   વિચારો  મારા વિચારોથી વિરૂધ્ધ  પણ  હોઈ શકે તો તેનું પણ સ્વાગત છે કારણ તે મારાં જ્ઞાનમાં ચોક્કસ પણે વધારો કરશે. આપ આપના વિચારો ગુજરાતી કે ENGLISH માં રજુ કરશો તો પણ  આવકાર્ય છે.